5日4夜九州熱辣辣之旅 - 前言

幾年一度家族大旅行又出發,今年選址九州,主要係要去豪斯登堡搵海賊王(表哥仔至愛),又要浸溫泉(公公婆婆至愛).

一行12人,當然係跟團,去日本,首選東瀛遊,可能係之前幾次跟佢的經驗都幾好,於5月尾左右,細妹已經去搵料,發現東瀛遊暑假期間同港龍租左隻包機俾自己公司的旅行團,而且價錢合理,大人$7,399, 小童$6,699,行程也符合我地的要求,就此拍板.

再左夾右夾,有要睇下請唔請到假,人多最麻煩就係夾日子,最後終於決定8月18日出發,22日回程.